- Уалиты куывд
-
Уалиты куывд – кодтой йæ æрмæстдæр ирæттæ – Ерашти, уыимæ станицæ Черноярскы цæрæг ирон хъазахъ. (Цæгат Ирыстон, Мæздæджы район). Уалиты куывд хъæубæсты иумæйаг бæрæгбон кæй уыдис, уымæ гæсгæ йæ кодтой къусбарæй, уалдзæджы;. хуымтæ-иу тыд куы фесты, уæд. Куывд скæныны сæйрагдæр архайджытæ уыдысты, афæдзы дæргъы-иу лæппу кæмæн райгуырд, чындз-иу чи æрхаста, афицеры, кæнæ-иу кæстæр афицеры радон цин, йе та хæрзиуæг кæмæн радтой, уыцы бинонтæ. Ахæм бинонтæ-иу Уалиты куывдмæ хъуамæ бахастаиккой æппæты къаддæр иу нæл фыс, авд чъирийы æмæ цалдæр четверты арахъхъ. Сылгоймæгтæ дæр æй бæрæг кодтой, фæлæ-иу æрæмбырд сты нæлгоймæгтимæ нæ, фæлæ хицæнæй.
Словарь по этнографии и мифологии осетин. 2014.